Due Poesie...

 "ARRIVA LA PRIMAVERA" di Carmelo Costanzo

 'Nta lu celu lu suli s'affaccia culumbrinu e cheta lu tempu ca è tantu friddulinu.
 Arriva a primavera e li cori di la genti si rapunu cuntenti alla bella atmosfera.
 Cantunu l'aceddi e li ciuri, 'nto giardinu, pigghiunu culuri e tuttu chistu è opira di lu Signuri."
















 NASCIVU NA STIDDA di Carmelo Costanzo

 "Stativi tutti muti!
 Mi sentu di parrari 'nsichitanza tantu è cuntentu lu me cori 'nta sta circustanza.
 Ccu la menti tornu annaretu 'nta lu tempu e viru 'nta na culla na picciridda nica nica.
 La viru...la taliu... e mi riciunu: è to' figghia! idda mi viri, mi talia, arriri e lu me cori si strogghi comu 'nghacciolu 'nta lu focu ardenti.
 Poi la viru crisciri iornu dopu iornu e allura mi sentu lu PatriEternu.
 Iu pensu ca lu Signuri, dannu la vita tutti iorna fa, a tutta la genti, lu miraculu cchiu granni."

















VI PIACCIONO? FATE UN COMMENTO!